വിവാഹാഘോഷങ്ങളില്‍ പുതുമ കൊണ്ടു വരാന്‍ ശ്രമിക്കാത്തവര്‍ വിരളമാണ്.. ചിലപ്പോള്‍ ഗാനമേളയോ ഡാന്‍സ് പരിപാടിയോയൊക്കെ കല്യാണത്തിന് കാണാം. എപ്പോഴും വരനായിയിരിക്കും ഈ ആഘോഷങ്ങള്‍ നയിക്കുക. വധു എപ്പോഴും നാണം കുണുങ്ങിയിരിക്കുകയായിരിക്കും പതിവ്. എന്നാല്‍ ഇവിടെ കഥയാകെ മാറി ഇവിടത്തെ വധുവിന് നാണം ഒട്ടുമില്ല എന്നു മാത്രമല്ല ഭാവി ഭര്‍ത്താവിന്റേയും അവരുടെ കുടുംബാംഗങ്ങളുടേയും മുന്നില്‍ വച്ച് ഇളകിയാടുകയും ചെയ്തു
ഷാലു-റോനു ദമ്പതികളുടെ മനസമ്മത സമയത്താണ് വധു തകര്‍ത്താടിയത്. വിവാഹവേദികളില്‍ വധുവിനും വരനും ആളുകള്‍ സര്‍പ്രൈസ് നല്‍കുന്നതിന് പകരം ഇവിടെ വധു വരനും ബന്ധുകള്‍ക്കും മനോഹരമായ ഡാന്‍സ് സര്‍പ്രൈസ് നല്‍കി പുതിയ ട്രെന്‍ഡിനു തുടക്കം കുറിക്കുകയും ചെയ്തു. പ്രശസ്ത ഫോട്ടോവീഡിയോഗ്രാഫര്‍ മഹാദേവന്‍ തമ്പിയാണ് ഷാലു-റോനു ദമ്പതികളുടെ മനസമ്മതത്തിനിടയിലെ ഡാന്‍സ് ഒപ്പിയെടുത്തിരിക്കുന്നത്. തന്റെ വിവാഹത്തിന് സൂപ്പര്‍ ഡാന്‍സ് അവതരിപ്പിച്ച് വരനെയും വിവാഹ സല്‍ക്കാരത്തിനെത്തിയവരെയുമെല്ലാം ഞെട്ടിച്ച പെണ്‍കുട്ടിയാണ് ഇപ്പോള്‍ താരമായിരിക്കുന്നത്. എന്തായാലും വീഡിയോ വൈറലാവുകയും ചെയ്തു.
